O 14 de marzo, na sede da Axencia Galega de Innovación (GAIN) en Santiago de Compostela, celebrouse a xornada de lanzamento do proxecto europeo GRESINT, un esforzo colaborativo transfronteirizo destinado a revolucionar a xestión de residuos mediante a intelixencia artificial.
Liderado por Sogama e coa participación de socios estratéxicos como o CITIC en Galicia e Lipor e a Universidade de Beira Interior en Portugal, este proxecto eríxese como un piar no camiño cara á sustentabilidade e a innovación tecnolóxica.
Mentres que desde EOSA encargámonos da organización deste evento, a colaboración dos socios neste proxecto facilitará un espazo para o diálogo e o intercambio de ideas innovadoras entre Galicia e Portugal. A xornada foi testemuña de presentacións detalladas por parte dos socios, delineando a estrutura e obxectivos do GRESINT, enfocados na mellora da clasificación de envases a través de tecnoloxías intelixentes. Como detalle, todos os asistentes víronse obsequiados cun kit de chocolates artesáns, entregados nun packaging realizado con materiais sostibles.
Cunha dotación orzamentaria próxima aos 800.000 euros e un horizonte ata o ano 2026, GRESINT non só simboliza a cooperación internacional senón tamén o compromiso cos obxectivos europeos de reciclaxe. A xornada culminou cunha mesa redonda que profundou nas vantaxes da aplicación da intelixencia artificial no sector dos residuos, subliñando o papel de EOSA na converxencia de esforzos para un futuro máis verde.
Máis información: Xunta de Galicia
