Igape lanza a convocatoria de servizos Re-acciona COVID-19, un novo programa que ten como obxectivo axudar ao tecido empresarial a reforzar a súa situación de partida, abordar novos mercados e impulsar a súa aposta por unha economía circular, con servizos como reestruturación financeira, análise de mercados internacionais, ou elaboración, adaptación e implementación de plans estratéxicos de internacionalización.
Dentro do programa, EOSA é unha das empresas colaboradoras no servizo de internacionalización. A nosa filosofía do servizo baséase na adaptación ás necesidades de cada empresa, coa que traballamos na definición dunha estratexia de internacionalización que permita acceder a novos mercados, a medio prazo, mediante medidas e accións concretas co apoio dos nosos expertos.
O desenvolvemento do servizo proporcionado por EOSA consta de catro fases:
- Fase 0: Análise de situación de partida ou auditoría
- Fase 1: Deseño do Plan de Formación e Sensibilización
- Fase 2: Elaboración do Informe de situación e do Plan de internacionalización
- Fase 3: Execución do plan, acompañamento e seguimento
Poderán acceder a este servizo todas as pemes con:
- polo menos, un centro de traballo en Galicia
- 3 persoas traballadoras
- descenso de facturación dun 10% no exercicio económico do 2020 respecto ao 2019
O servizo é cofinanciado polo Igape, por un prezo fixo de 600€ proporcionando ás empresas servizos de 10.000€. O programa está financiado no marco do eixo REACT UE do Programa Operativo FEDER Galicia 2014-2020, como parte da resposta da UE á pandemia de covid-19.
Máis información sobre o servizo na web do programa aquí, e se tes dúbidas, contacta con Laura Sanjuán no 986 419 922 ou no correo internacionalizacion@eosa.com.
