O pasado 11 de abril, a Confederación de Industrias Téxtiles de Galicia (COINTEGA) organizou o Obradoiro de Dixitalización “Cara á Industria Téxtil 4.0” na Cidade da Cultura de Santiago de Compostela. O evento contou coa presenza de expertos en tecnoloxías punteiras como Big Data e IA, tecnoloxías de loxística avanzada e sostible, e a TIC como ferramenta de mellora competitiva.
Ramón Tubío, Director de Craftium; Iago Rodríguez-Quintana, Director de Altia Logistics; Jose Vizoso, Product Manager de Imatia; e Maruxa Fernández, Coordinadora de Proxectos de Cooperación Europea de EOSA, foron os relatores expertos que achegaron a súa experiencia e coñecementos neste enriquecedor evento.
Os asistentes, ademais, tiveron a oportunidade de participar nunha acción grupal, dinamizada por Javier Germade, consultor de planificación e estratexia de EOSA, onde se abordaron os principais retos do sector e buscáronse potenciais proxectos colaborativos que puidesen enmarcarse nas actuais e futuras convocatorias de financiamento. Esta dinámica grupal foi unha excelente maneira de fomentar a innovación e a colaboración entre as empresas, e de atopar solucións creativas e eficaces para os retos do sector téxtil.
O evento contou co financiamento de Igape e a colaboración de Craftium, Altia, Imatia Innovation e Viratec, ademais do apoio activo de EOSA na organización e dinamización da xornada.
